Sama sagan hér

Það er ekki að spyrja að rökfærslum LÍÚ frekar en fyrri daginn.  Það er nú varla hægt að leggja að jöfnu uppboð lóða og aflaheimilda.  Vona nú að þau verktakafyrirtæki sem töldu réttlætanlegt að kaupa lóðir í Grafarholti og byggja þar hafi ekki verið í sömu skuldasúpunni og mörg fyrirtæki innan LÍÚ.  Hvers vegna?  Ef þú fengir gefins lóð og myndir leigja hana til annars verktaka á mjög háu verði myndi væntanlega verktakinn sem fékk lóðirnar gefins hagnast umtalsvert.  Sá sem leigir myndi taka áhættu til að reyna að halda rekstri sínum gangandi.  Myndlýkingar sem þessar hljóta að vera flestum ljósar??

Endalaus úttekt getur ekki leitt til hagnaðar þegar fjárfest er í bönkum og öðrum undrafyrirtækjum Íslands eins og sjávarútvegsfyrirtæki hafa stundað hér um árabil.  Ég er búinn að  selja íbúðina mína og farinn að leigja, skildi ég hagnast eður ei??  Það kemur í ljós ég læt bara vita, en látiði mig vera!!


mbl.is Líkir uppboði afla við byggingastarfsemi í Grafarholti
Tilkynna um óviðeigandi tengingu við frétt

Einokun er lögleg.

Nenni nú ekki að minnast á Baug í þessu sambandi sem hefur yfir að ráða 60% af smásölunni.  Hins vegar er mér alveg fyrirmunað að skilja hvernig MS hefur fengið að tröllríða markaðnum hérna og leggja undir sig mjólkursamlög víða um land, þar á meðal í minni heimabyggð Blönduósi.  Hver skildi markaðshlutdeild þess félags vera á markaði?? 

Kveðja Benni.


mbl.is Matsmenn verða dómkvaddir
Tilkynna um óviðeigandi tengingu við frétt

Hvílíkt og annað eins RUGL!!!

Hvernig ætla menn að réttlæta það að eyða peningum í þessa vitleysu?  Það væri nær fyrir bæði ríki og borg að dreyfa þessu fé á fleiri og brýnni verkefni sem bíða víða.  Er ÍAV á einhverjum sérsamningum hjá þessum aðilum?  Það er íþróttasvæði í Úlfarsárdal sem bíður eftir að verða byggt upp og þjónusta það hverfi borgarinnar sem meðalaldur er lægstur.  Það verk var búið að tímasetja en borgin virðist ekki ætla að standa við þá áætlun og er það miður.  Vonandi hafa aðilarnir tíma og vit til þess að draga sig útúr þessum samningum, sem mér finnst ótrúlega lítið hafa verið fjallað um.

Kveðja Benni.


mbl.is Fjármögnun Tónlistarhúss ólokið
Tilkynna um óviðeigandi tengingu við frétt

Ertu að grínast?????

Gat ekki svarað fyrstu spurningunni um hvaða breytingar kynslóðaskipti eins og sumir vilja kalla það hefði í för með sér, það kemur bara í ljós á næstu misserum.  Ok það er leyndó, næsta spurning.

Þín kynslóð var kraftur útrásarinnar?  Já mér finnst alltof mikið gert af því að skella skuldinni á þetta fólk og það á meira og betra skilið.  Ok þar höfum við það.  Næsta

Hefur þú viðskiptaleg tengsl við útrásarvíkingana?  Hverjir eru þessir menn, eiga þeir nú að taka á sig alla skuldina og allar birgðarnar á því sem gerst hefur ha HA.  Skil ekki spurninguna, ég persónulega hef ekki verið stórtækur fjárfestir á Íslandi.  Bjarni það var ekki verið að spyrja um það.  Já mér finnst eðlilegt að þessir menn taki á sig sem mestan skell, frekar en að láta almenning borga brúsann!!  Næsta.

Samþykkt á landsfundi um Evrópumál voru varla þér að skapi?  Já sko bla bla bla. Næsta.  Eða nei þessi maður er ekki þess virði að hlusta á hann.  Það kæmi mér ekki á óvart að Sjálfstæðisflokkurinn yrði fjórði stærsti flokkurinn í kosningunum ef þetta er það sem koma skal.

Með kveðju og von um að Sjálfstæðiflokkurinn komi ekki nærri stjórn landsins næstu misseri eins og Bjarni myndi orða það.   Benni.

 


mbl.is Þarf að auka tekjutengingu
Tilkynna um óviðeigandi tengingu við frétt

Skuggi Skuggason 19,4%

Til hamingju Þorgerður, en samt leiðinlegt að Skuggi skildi ekki fá fleiri atkvæði. 
mbl.is Þorgerður Katrín fékk 80,6%
Tilkynna um óviðeigandi tengingu við frétt

Sigurður Kári Kvótason.

Hef aðeins heyrt lítið brot af ræðu hans á landsfundinum, þar talaði hann um að ef Sjálfstæðisflokkurinn vilji halda yfirráðum yfir sjávarútvegsauðlindinni verði flokkurinn að stefna að því að standa utan ESB.  Hvar næ ég í alla ræðuna?  Ekki hefur hann SKK stigið í vitið hingað til og mér finnst alltaf gaman að heyra hann steypa:)  Kveðja Benni.

Já er það?

Man þegar hundrað dagarnir voru liðnir eftir hrun og heimilunum blæddi út.  Ekkert var að gert í þeim málum sem almenning skipti máli og ég veit ekki betur en að allir þeir sem skipi forystu flokksins í dag hafi setið á þingi þá. 

Hvert eru menn að fara?  Hvað eru menn að meina?  Já alveg rétt við fáum að kjósa tvisvar um ESB, það er niðurstaða fundarins.  Hvers vegna að kjósa um aðildaviðræður þegar að það verður aldrei ljóst hvað í þeim telst að felast?

Til hvers að kjósa Sjálfstæðisflokkinn þegar maður veit að það var fólkið sem brást en ekki stefnan?  Stefnan er sú sama og fólkið að stórum hluta líka, en sem betur fer eru kjósendurnir sem kjósa flokkinn færri.

Á þriðja degi reis hann upp og situr nú við hægri hönd Bjarna Ben.

Kveðja Benni.


mbl.is Nýrri kynslóð treyst til verks
Tilkynna um óviðeigandi tengingu við frétt

Landsins forni fjandi

Hafísinn?  Nei það er Sjálfstæðisflokkurinn.

Mikið er sorglegt að horfa upp á þetta og hlusta, biðjast afsökunar á sínum þætti í hruninu.  Hvernig hefði verið að biðjast afsökunar á að hafa ekki brugðist við þegar hörmungarnar dundu yfir.  Hefði ekki verið gáfulegt að stíga fram strax en ekki núna 6 mánuðum seinna með tár á kinn eins og fegurðardrottningar á þessum blessaða landsfundi.  Hvílíkir hræsnarar sem þarna eru komnir saman og nota svo í ofanálag íslenska fánann í bakgrunni fundarins.

Nú spretta þeir fram, talsmenn flokksins að maður mætti halda Sigurður Kári, Birgir og Hannes Hólmsteinn og reyna að ata skít á aðra í staðinn fyrir að þrífa sjálfan sig og þennann blessaða flokk sem þeir kenna sig við.

Þið settuð þjóðina á hausinn eða voruð allavega mjög nærri því, það er víst ekki komið í ljós ennþá.  Takk fyrir ömurlega hagstjórn, takk fyrir ömurlega einkavinavæðingu, takk fyrir vinavæðingu dómskerfisins, takk fyrir andskotan ekki neitt.

Kveðja Benni.


Harmar að hafa tekið við

Framkvæmdastjóri Sjálfstæðisflokksins, segist harma þau mistök sem urðu þegar flokkurinn tók við fjárframlögum frá Neyðarlínunni.

Spurt er? Hringdi einhver fyrir hönd Sjálfstæðisflokkins í Neyðarlínuna og bað um styrk eða hringdi Neyðarlínan í Sjálfstæðisflokkinn?  Hver svaraði fyrir Neyðarlínuna ef það var hringt í þá?  Var þetta neyðartilvik?  Mér sýnist á taprekstri flokkana að svo hafi verið, þannig að þetta framlag var fyllilega réttlætanlegt og vonandi hefur þetta hjálpað eitthvað til.

Kveðja Benedikt Kaster, p.s mig vantar pening ó já ég hringi bara í 112.

Ég hélt svo að Neyðarlínan væri meira í því að svara en hringja:)


Ísraelsmenn eru morðingjar og stríðsglæpamenn.

Var að horfa á Gaza út úr rústunum rétt áðan.  Er búinn að fylgast með þessari deilu milli Ísraela og Palestínumanna í langan tíma þó með mismiklum áhuga.  Talaði einu sinni við mann sem var þarna á vegum Saimeinuðu þjóðanna og hann gat mikið upplýst mig um það sem var þarna í gangi. 

Hvernig má það vera að þjóð skuli komast upp með þjóðarmorð árið 2008?  Jú samþykku USA og tilraunastarfsemi á sprengjum fyrir þá miklu þjóð eða þannig.  Svelta fólk í hel, sjúkir fá ekki aðhlynningu, börn fá ekki menntun og fólk ekki vinnu.  Þetta þurfa Palestínumenn að lifa við dag hvern.  Svo eru herská samtök sem kalla sig Hamas sem eru reglulega að skjóta rakettum yfir til Ísraels frá Gaza.  Hvernig skyldi fólki líða sem er verið að svelta í hel og er niðurlægt daglega af einu mesta hernaðarveldi heims með stuðningi USA.

Það létust 9 hermenn Ísraelshers í þessari áras þeirra og fjóra þeirra drápu þeir sjálfir!!

Hvernig má það vera að Ísraelsmenn fái blessun til að vinna þessi voðaverk.  EUFA leyfir liðum frá Ísrael að taka þátt í Evrópukeppni t.d. og þeir eru ekki einu sinni í Evrópu.  Norður Kórea eru taldir ógna heiminum og sérstaklega USA að þeirra mati.  Hverjir eiga kjarnavopn og búa í bakgarði Evrópu?

Jú Ísraelsmenn.  Barnamorðingjar og stríðsglæpamenn.

Kveðja Benni.


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband