Hvílíkt og annað eins RUGL!!!

Hvernig ætla menn að réttlæta það að eyða peningum í þessa vitleysu?  Það væri nær fyrir bæði ríki og borg að dreyfa þessu fé á fleiri og brýnni verkefni sem bíða víða.  Er ÍAV á einhverjum sérsamningum hjá þessum aðilum?  Það er íþróttasvæði í Úlfarsárdal sem bíður eftir að verða byggt upp og þjónusta það hverfi borgarinnar sem meðalaldur er lægstur.  Það verk var búið að tímasetja en borgin virðist ekki ætla að standa við þá áætlun og er það miður.  Vonandi hafa aðilarnir tíma og vit til þess að draga sig útúr þessum samningum, sem mér finnst ótrúlega lítið hafa verið fjallað um.

Kveðja Benni.

Fjármögnun Tónlistarhúss ólokið

Ertu að grínast?????

Gat ekki svarað fyrstu spurningunni um hvaða breytingar kynslóðaskipti eins og sumir vilja kalla það hefði í för með sér, það kemur bara í ljós á næstu misserum.  Ok það er leyndó, næsta spurning.

Þín kynslóð var kraftur útrásarinnar?  Já mér finnst alltof mikið gert af því að skella skuldinni á þetta fólk og það á meira og betra skilið.  Ok þar höfum við það.  Næsta

Hefur þú viðskiptaleg tengsl við útrásarvíkingana?  Hverjir eru þessir menn, eiga þeir nú að taka á sig alla skuldina og allar birgðarnar á því sem gerst hefur ha HA.  Skil ekki spurninguna, ég persónulega hef ekki verið stórtækur fjárfestir á Íslandi.  Bjarni það var ekki verið að spyrja um það.  Já mér finnst eðlilegt að þessir menn taki á sig sem mestan skell, frekar en að láta almenning borga brúsann!!  Næsta.

Samþykkt á landsfundi um Evrópumál voru varla þér að skapi?  Já sko bla bla bla. Næsta.  Eða nei þessi maður er ekki þess virði að hlusta á hann.  Það kæmi mér ekki á óvart að Sjálfstæðisflokkurinn yrði fjórði stærsti flokkurinn í kosningunum ef þetta er það sem koma skal.

Með kveðju og von um að Sjálfstæðiflokkurinn komi ekki nærri stjórn landsins næstu misseri eins og Bjarni myndi orða það.   Benni.

 

Þarf að auka tekjutengingu

Sigurður Kári Kvótason.

Hef aðeins heyrt lítið brot af ræðu hans á landsfundinum, þar talaði hann um að ef Sjálfstæðisflokkurinn vilji halda yfirráðum yfir sjávarútvegsauðlindinni verði flokkurinn að stefna að því að standa utan ESB.  Hvar næ ég í alla ræðuna?  Ekki hefur hann SKK stigið í vitið hingað til og mér finnst alltaf gaman að heyra hann steypa:)  Kveðja Benni.

Landsins forni fjandi

Hafísinn?  Nei það er Sjálfstæðisflokkurinn.

Mikið er sorglegt að horfa upp á þetta og hlusta, biðjast afsökunar á sínum þætti í hruninu.  Hvernig hefði verið að biðjast afsökunar á að hafa ekki brugðist við þegar hörmungarnar dundu yfir.  Hefði ekki verið gáfulegt að stíga fram strax en ekki núna 6 mánuðum seinna með tár á kinn eins og fegurðardrottningar á þessum blessaða landsfundi.  Hvílíkir hræsnarar sem þarna eru komnir saman og nota svo í ofanálag íslenska fánann í bakgrunni fundarins.

Nú spretta þeir fram, talsmenn flokksins að maður mætti halda Sigurður Kári, Birgir og Hannes Hólmsteinn og reyna að ata skít á aðra í staðinn fyrir að þrífa sjálfan sig og þennann blessaða flokk sem þeir kenna sig við.

Þið settuð þjóðina á hausinn eða voruð allavega mjög nærri því, það er víst ekki komið í ljós ennþá.  Takk fyrir ömurlega hagstjórn, takk fyrir ömurlega einkavinavæðingu, takk fyrir vinavæðingu dómskerfisins, takk fyrir andskotan ekki neitt.

Kveðja Benni.

Harmar að hafa tekið við

Framkvæmdastjóri Sjálfstæðisflokksins, segist harma þau mistök sem urðu þegar flokkurinn tók við fjárframlögum frá Neyðarlínunni.

Spurt er? Hringdi einhver fyrir hönd Sjálfstæðisflokkins í Neyðarlínuna og bað um styrk eða hringdi Neyðarlínan í Sjálfstæðisflokkinn?  Hver svaraði fyrir Neyðarlínuna ef það var hringt í þá?  Var þetta neyðartilvik?  Mér sýnist á taprekstri flokkana að svo hafi verið, þannig að þetta framlag var fyllilega réttlætanlegt og vonandi hefur þetta hjálpað eitthvað til.

Kveðja Benedikt Kaster, p.s mig vantar pening ó já ég hringi bara í 112.

Ég hélt svo að Neyðarlínan væri meira í því að svara en hringja:)

Ísraelsmenn eru morðingjar og stríðsglæpamenn.

Var að horfa á Gaza út úr rústunum rétt áðan.  Er búinn að fylgast með þessari deilu milli Ísraela og Palestínumanna í langan tíma þó með mismiklum áhuga.  Talaði einu sinni við mann sem var þarna á vegum Saimeinuðu þjóðanna og hann gat mikið upplýst mig um það sem var þarna í gangi. 

Hvernig má það vera að þjóð skuli komast upp með þjóðarmorð árið 2008?  Jú samþykku USA og tilraunastarfsemi á sprengjum fyrir þá miklu þjóð eða þannig.  Svelta fólk í hel, sjúkir fá ekki aðhlynningu, börn fá ekki menntun og fólk ekki vinnu.  Þetta þurfa Palestínumenn að lifa við dag hvern.  Svo eru herská samtök sem kalla sig Hamas sem eru reglulega að skjóta rakettum yfir til Ísraels frá Gaza.  Hvernig skyldi fólki líða sem er verið að svelta í hel og er niðurlægt daglega af einu mesta hernaðarveldi heims með stuðningi USA.

Það létust 9 hermenn Ísraelshers í þessari áras þeirra og fjóra þeirra drápu þeir sjálfir!!

Hvernig má það vera að Ísraelsmenn fái blessun til að vinna þessi voðaverk.  EUFA leyfir liðum frá Ísrael að taka þátt í Evrópukeppni t.d. og þeir eru ekki einu sinni í Evrópu.  Norður Kórea eru taldir ógna heiminum og sérstaklega USA að þeirra mati.  Hverjir eiga kjarnavopn og búa í bakgarði Evrópu?

Jú Ísraelsmenn.  Barnamorðingjar og stríðsglæpamenn.

Kveðja Benni.

Ársskýrsla flokkana - Ríkisendursskoðun.

Bíð spenntur eftir úttekt Ríkisendurskoðunar á ársskýrslum flokkanna fyrir árið 2007.  Mikið hefur þetta dregist úr hófi en þó hlýtur úttektin væntanlega að verða almenningi og fjölmiðlum aðgengileg fyrir kosningar. Eða hvað??

Kveðja Benni.

Borgarstjórn er að skíta á sig.

Fyrirhugað áframhald á byggingu tónlistarhúss, fyrirhugaðar byggingar á Laugavegi og sennilega eitthvað meira miður gáfulegt sem mér er ekki kunnugt um er nú á framkvæmdalista borgarinnar.  Bara kostnaður borgarinnar við tónlistarhúsið á ekki eftir að verða undir 10 milljörðum!  Er ekki allt í lagi?  Eitthvað kostar svo að reka skrímslið.  Þetta er svo réttlætt með því að þetta skapar fólki atvinnu ok flott ég efa það ekki.  Samt helvíti miklu til kostað að mér finnst.

Ég bý í Grafarholti og þar hefur uppbygging íbúðarhúsnæðis gengið hratt fyrir sig, hér hinum megin í dalnum ekki eins vel.  Himinhátt lóðaverð var réttlætt á sínum tíma með því að fólk væri að greiða fyrir grunnþjónustu svo sem skóla, leikskóla og fleira væri inn í þessu lóðarverði.  Ég hef beðið spenntur eftir því að uppbygging íþróttasvæðis hér færi á fullt eða er það kannski ekki grunnþjónusta?

Mér hefur heyrst það á stjórnmálamönnum í gegnum tíðina að íþróttir séu góð forvörn og svo eins og flestir vita hafa allir gott af að hreyfa sig.  Ekkert bólar þó á þessu íþróttasvæði sem hér átti að rísa.  Ég hef reynt að leyta svara hjá borginni og hefur orðið aðeins ágengt.  Framkvæmdum við gerfigrasvöll sem átti að vera tilbúinn árið 2009 hefur verið frestað.  Unnið er að tillögugerð varðandi staðsetningu grasæfingasvæðis í Úlfarsárdal í samvinnu framkvæmda og eignasviðs og Fram.  Hönnun á íþróttahúsi er hafin en framkvæmdatími ekki ákveðin.  Vá bara allt að gerast.

Merkilegt að þessi svör passa engan vegin við þau gögn sem ég hafði áður aflað mér í gegnum heimasíðu Reykjavíkurborgar.  Þar er allt saman ákveðið með svæðið og framkæmdatími tiltekinn.  Hvers vegna skildi framkvæmd á áður umræddu svæði ekki vera í fastari skorðum en raun ber vitni?  Er þetta kannski ekki grunnþjónusta. 

Síðan að lokum vill ég ekki félag í mitt hverfi sem ekki getur staðið við skuldbindgar við lítið félag úti á landi nánar tiltekið Hvöt frá Blönduósi um greiðslu fyrir bikarleik sem fram fór í fyrrasumar. 

Kveðja Benedikt Kaster.

Stjórnarmaður í knattspyrnudeild Hvatar.

Kosningar..Jafnræði.??? Lýðræði???

Kosningar í nánd, skoðanakannanir hrannast upp og fjölbreyttar raddir
heyrast úr þjóðfélaginu.  Ný kosningalög tóku gildi 1. janúar 2007. 
Tilgangur laga þessara var að kveða á um fjárframlög til stjórnmálasamtaka
og stjórnmálastarfsemi, draga úr hættu á hagsmunaárekstrum og tryggja
gagnsæi í fjármálum. Markmið laganna var að auka traust á
stjórnmálastarfsemi og efla lýðræðið.

Árlega er úthlutað fé úr ríkissjóði til starfsemi stjórnmálasamtaka sem
fengið hafa a.m.k. einn mann kjörinn á Alþingi eða hlotið hafa a.m.k.
2,5% atkvæða í næstliðnum alþingiskosningum samkvæmt ákvörðun á fjárlögum
hverju sinni. Fjárhæðinni skal úthlutað í hlutfalli við atkvæðamagn.

Nú skildi maður ætla að á þessum tímum þar sem skoðanakannanir sýna það að
allt að 40% fólks virðist vera óákveðið hvað það ætli að kjósa í næstu
kosningum að nýjir stjórnmálaflokkar sjái möguleika til framboðs.

En eru þessi lög sanngjörn?  Bera þessi lög þess merki að við teljum okkur
búa við lýðræði og jafnræði?  Svar mitt við báðum þessum spurningum er
neitandi.  Hvers vegna?  Nýtt framboð þarf að uppfylla allar þær sömu
kröfur og þeir flokkar sem nú þegar sitja á Alþingi, sem er að sjálfsogðu
rétt.  En það þarf að afla fjár til að standa í kosningabaráttu og koma
nýjum flokki á fót.  Hvar fást peningar fyrir nýtt framboð?  Það hlýtur að
vera mjög erfitt að afla fjár hjá fyrirtækjum og einstaklingum eins og
staðan er í dag.

Nú eru lögin þannig úr garði gerð að árlega eru veitt framlög úr
ríkissjóði til þeirra stjórnmálaflokka sem nú þegar sitja á þingi samkvæmt
ákveðnum reglum þ.e.a.s. að stærsti flokkurinn fær mest og svo koll af
kolli.  Hvernig má það vera að lögum sem ætlað er að auka gagnsæi skuli
vera þannig úr garði gerð að nýr flokkur sem hugsanlega gæti komið mönnum
á þing þarf að sitja undir því að vera hugsanlega gerður tortryggilegur
vegna þess að hann hefur þurft að sækja allan sinn fjárhagslega styrk til
almennings og fyrirtækja?

Hvers vegna hafa allir þeir flokkar sem hafa aflað sér rétt til að bjóða
fram ekki sama rétt?  Ég hef mikið reynt að leita eftir skoðunum þingmanna
á þessu, skrifað mörgum bréf en fátt hefur verið um svör og ef þau koma af
sjálfsögðu farið í flæmingu undan einföldum spurningum sem ég hef lagt
fyrir viðkomandi.  Tók mig þess vegna til og reyndi að hringja í c.a. 20
þingmenn.  Loksins svaraði einhver og það var Katrín Júlíusdóttir.  Hún
útskýrði fyrir mér að það hefði hreinlega ekki gengið að flokkar væru að
hengja sig á einstök fyrirtæki eða einstaklinga og öfugt það gæti skapað
tortryggni.  Svo væri líka gríðarlega dýrt að halda úti flokksstarfi um
allt land. Svo mörg voru þau orð.

Já það er allt í lagi að "nýji" flokkurinn sé gerður tortryggilegur
hugsaði ég með mér?  Jú það geta nú víst allir séð ársreikniga allra
flokka og séð hverjir eru að styrkja og í hverju kostnaður flokkana
felst.  Árlega skal nefnilega skila ársreikning samkvæmt lögum.  Það
virðast þó ekki allir flokkar gera sér grein fyrir því vegna þess að
ekkert bólar enn á ársreikningum Sjálfstæðisflokks né Framsóknarflokks
fyrir árið 2007!!!

12. gr. Viðurlög.
Hver sem af ásetningi eða stórfelldu gáleysi brýtur gegn ákvæðum laga
þessara skal sæta fésektum, en alvarleg brot geta varðað fangelsi allt að
sex árum.

Að mínu mati ættu allir að sitja við sama borð þegar kemur að kosningum.
Við gefum okkur jú út fyrir að vera lýðræðisríki.  Mín tillaga, ein
ákveðin upphæð sem veitt er til stjórnmálaflokka deilt með fjölda þeirra
sem hafa aflað sér rétt til framboðs og uppfylla öll skylirði.  Eða alls
engin framlög.

Burt séð frá flokkunum sjálfum, atkvæði gilda mismikið eftir búsetu.  Það
þarf ekki að færa rök fyrir þessu, öllum er þetta ljóst.  Eitt kjördæmi
hlýtur að vera eina sanngjarna leiðin til að jafna atkæðisrétt og um leið
þyrftum við ekki að vera með ákvæði um lágmarsstuðning til að koma manni á
þing.  Einfaldlega deila kosningabærum mönnum með fjölda þingmanna.

Jafnræði? NEI  Lýðræði? NEI  Flokksræði? JÁ

Með kveðju Benedikt Kaster.